आशियान्यि सत्य गुज़ॉरमॅच ज़िन्दगी

 

लिखॉर्य गुज़ॉर त्रुवंजाह वरिय पेठी, पनन्यि आशियॉन्य सुत्य अज़ छु लिखार्य कूशिश करान, तिमन वरियन हिन्दय, कॅह खोशगवार कथु याद करनिच । यिम वरिय दोरैयि त्यूताह रफतार सान, ज़ि ज़िन्दगी बास्येयि स्यैठाह कम। लिखॉर्य कोर खान्दर नवम्बर १६६१ मंज़, सिरीनगर । केंह रैत बुहिय ऑस लिखॉर्य इंजिनियरिंग पास कॅरमॅच । लिखॉर्य ओस न हेकान, पनिन्य भॉर्या, चकरस-वकरस न्यिथ, तिक्याज़ि चन्दु ऑसिस खॉली। सिरीनगर, अकिस बट्टस नौकरी मेलिन्य ऑस नामुमकिन । लेहज़ा द्राव लिखार्य न्येबर । लिखॉर्य गव दिल्ली तु तति कुन मरकज़ी सरकारस मंज़ नौकरी शोरू। अकिस वरियस रूद लिखार्य पनन्यिस पेतरस निश । अथ कॅरियस दौरान लेछि लिखॉर्य सिंज़ि आशियॉन्य लगातार आशिकी सान चिट्ठी। लिखॉर्य सिंज़ि पितिर बेन्यि आसु यिम चिट्ठि, वदनॉव वदनॉव दिवान । येलि लिखॉर्यिस ओस खलवक्त मेलान, सु ओस यिम चिट्ठि चूरि चूरि पॅरान तु तिमन जवाब ति दिवान । लिखॉर्य सिंज़ि आशियान्यि ऑस्य यिम जवाब हालय ताम, महफूज़ थविमित्य । अकि वरिय पतु, अॅन्य लिखार्य भार्या दिल्लि । अरगचि, लिखार्य ओस तमि विजि, अकिस सरकॉरी कालोनी मंज़ कीवल अख कमर स्पेट किरायि ह्योतुमुत, यि ज्यूर ऑस, इक्वट सपदनु सुत्य स्यैठाह खोश । ब्रॉहकुन जाव यिमन अख नेचुव, येमि सुत्य तम्यसुन्द मोल मॉज्य तु बुड़िबाब-नान्य सपदेयि बेहद संतुष्ट । वोन्य ओस लिखार्य सुन्द बब, वन्दस दिल्लि यिवान, तु पनन्यिस जुरिस सत्य गिंदना करान । यि बुडिबब ओस तमिस, प नखस प्यठ, ओर योर नचुनावान । ि दोशविन्यी हुन्द कौदरती बंधन, ओस लायक । बियि पांचि वरिय पत जायि लिखॉर्य निभार्यायि अख कूर । लिखार्य तु तमसिंज आशियऑस्य यिमन दोशविन्यी टॉठ्य शुरेन वालिसृत्य रछान तु असुना गिंदान करान । ने ओस वन्य स्कूल ति गछान । ह वरिय प कोरुख लिखॉर्य अरुणाचल प्रदेश तबदील । अगरचि अरुणाचलस मंज़ ऑस, स जंगली ज़िदुगी गुजत्रारिन्य, लिखार्य सिन्ज़ भावगयि पनन्यि मरज़ी सान, तोर गछन् ज तैयार । तति ओस लिखॉर्य, गोड गोड़, बानसत्य बन्येमित रामायण चालि कुटियायि मंत्ररोज़ान । मुलाज़िम ति ऑस यिथिनय कुटियायनमंज़ रोज़ान । पोन्य ओस पाइपव मंज़्य, पहाड़प्यठ वसान तु बिजली ऑस नदारद । तवपत् तिकोर नु लिखॉर्य सिंज़ि भार्यायि, जांह ति, कुन्िकिसुमिच शिकायत । अख ज़ि वरिय पत्, सूज़ लिखार्य पनुनपरिवार सिरीनगर । तति ओस लिखार्य सिंजिभॉर्यायि, दोन ज़ॉमन खान्दरुक इंतिज़ाम कॅरुन लिखॉर्य सुन्द बब ओस वन्य दिल्लु चि बेमारिसुत्य मजबूर, लेहज़ा पेयि तकरीबन सॉरिय कॉम अन्द वातुनावन मूजिब, भार्यायि सख्त मेहनत कॅरिन्य । अमापोज़, अरुणाचल किस तथ जंगलस मंज़, ओस नु, कांह स्कूल वगेरह । अमि किन्य प्यव लिखॉर्यिस अकि वरिय पतय, पनुन नेचुव, नान्यि बुड़िबबस निश, परन खाँतिर श्रीनगर सोजुन । लिखॉर्य कॅर तति, पूर पांचन वरियन नौकरी, त तवपत कोरुख सिरीनगर तबदील । सिरीनगर ओस लिखॉर्यिस, बड़गामि नोव हवाई अड्ड बनावुन । अथ कामि प्यठ पेयि लिखॉर्यिस ज़बरदस्त मशक्कत करिन्य । मगर लिखॉर्य सिंज़ भार्या ऑस बेहद खोश वन्य, तिक्याज़ि तमिस मील्य सॉरी ऑश्यनाव तति । तमि तुल पूर लुतुफ यीतिस कालस सिरीनगर ऑस । केंह वरिय पतु छुन, लिखार्य, पनुन्यिस लोकटिस बरादरस तु हमशेरस खांदर करिथ । लिखार्य ओस हवाई अड्ड्स प्यठ सख्त मसरूफ, लेहज़ा प्यव खांदरुक सोरुय बोर लिखार्य सिंज़ि भार्यायि प्यठ । तमि वाजि, पनन्यिस हेहर सिंज़ि, सारेय जिम्मेदारी नख नफीस पॉठ्य । हवाई अॅडिडच कॉम गयि त्रेयि वुहिर, कहतान्य कॅहतान्य खत्म । मरकज़ी सरकारन सूज़ लिखॉर्य वन्य तानजानिया (अफ्रीका) ततिक्यन हवाई अड़डन हंज़ कॉम करन्यि । लिखॉर्य गव तोर बमय पूर कोटुम्ब। लिखॉर्य रूद तति राजधानी दारिस सलामस मंज़ । अफ्रीकाहस मंज़ ति म्यूल न लिखार्य सिंदिस नेचविस कुन्यि कालेजस मंज़ दॉखल तिक्याज़ि स्पेठाह चेर ओस गोमुत। अमि किन्य सूज़ लिखार्य, अॅठयी रेत्य, यि लड़क, चंडीगढ़ होस्टलस मंज़ परन मूजिब । तति कोर तम्य बी.एस.सी. पास । अलबत कोरि पोर तती, हाईकमीशन स्कूलस मंज़ । तिमन दोहन ओस न दारिस सलाम, रोज़नस लायख जाय। गृहस्थी हिंद सॉरी चीज़, मसलन तोमुल ओट, तील, दोध, बिसॉत्य सामान ओस न बाज़र सहल सहल मेलान । जेछि लॉन आस लगान । तति आस्य बियि त्रे कॉशिर्य बटु गर रोज़ान । तिम ऑस्य लिखॉर्य सिज़ भार्यायि स्येठाह लोल तु यज्ज़त करान । येन केन प्रकारेन चलॉव लिखार्य तु तमसिंज़ि आशियान्यि, गृहस्थी तति । अफ्रीकाहस मंज़ पांच वरिय रोजुन पत, सूजुख लिखॉर्य वापस हिंदुस्तान । प्रमोशन दिवहस तु पोस्टिंग कॅरहस आगरा। लिखॉर्य सुंद लॅड़क ति आव वन्य आगरा । तम्य ह्योत आगरा यूनिवर्सिटी मंज़ दाखलु । आगराहस मंज़ ति कोर लिखॉर्य सिंज़ि भार्यायि ततिक्यन हालातन सत्य यकदम समझौत आगरा पांच शै वरिय रोज़न पतु, कोरुख लिखॉर्य नवि दिल्ली तबदील । तति मूल्य अॅमिस अख टाइप-४ सरकॉरी क्वार्टर, आर.के. पुरमस मंज़। अकि दोयि वुहिर कोर लिखॉर्य पनुन्यिस साहिबजादस खांदर । बियि त्रेयि वुहिर, कोर लिखार्य पनुन्यि कोरि ति खांदर । यिमन दोशविन्यी खांदरन मंज़ कोर लिखॉर्य कीवल मम-दोन्यी मोहयया। यिमन खांदरन हिंज़ ज्यादुतर कॉम कॅर लिखॉर्य सिंज़ि भार्यायि, पनुन्यि गाजार, तजुरुबु, लोलसान मेहनत तु सारिनिय हिंदि अथवास सत्य पूर । बियि अकि दोयि वुहिर, गव लिखॉर्य, मरकज़ी नौकरी प्यठ रिटायर १६६७ ई. मंज़ । लिखॉर्य ह्यात भोपाल अख फ्लैट मॅल्य । जिंदगी मंज़ गोड़निकि लटि, ओस लिखार्य वन्य पनन्यि लॅरि मंज़ रूजिथ । लिखार्य सिंज़ आशियॉन्य ऑस वन्य स्यैठाह खोश । तमि सजोव यि गर लोलु सान । वक्त गव पकान ब्रोहकुन । दह वरिय द्रायि बेयि । लिखार्य सिज़ कर ऑस वन्य टोकिया (जापान)। तमि सूज़ तति प्यट् हवाई टिकट त वीसा । लिखार्य तु तम्यसिंदि आशयांन्यि खातर जन सूज़ तमि स्वर्ग यिनुक बुलाव । दोशवय गयि टोकियो तु तति रूद्य पूर त्रेन रेतन टोकिया शहर छु साफ शफाफ त कोदरती नज़ार छि बिसियार। दछिन खोविर छि बॅजिर सोंदर सौंर पार्क। तमि विज़ि ऑस प्रथ तरफ, कुल्येन प्यठ फुलय । चोपॉर छि दरियाव, कोल, नाल, चश्म कनाल वगैरह। कोलन मंज़ छि बतख छाँट वायान, तु नालन मंज़ छि लोकचि बजि रंगीन गाड़ यीरान । यिम गाड़ रट्नस प्यठ छि सख्त मनाही । टोकिया तु सॉरसिय जापानस मंज़ छि जु मज़हब । अख छु प्रोन यथ “शिन्टो" बनान छि। यिम छि पेतरन पूजा करान । ज़्यादतर लूख छि बुद्धमत मानान । “शिन्टो” तु बौद्ध मत क्यन मंदरन मंज़ गछन् सुत्य छु मन्स शांति, स्कून, तु रूहानी थुज़र बासान । लिखार्य तु तसिंज भार्या जन वॉत्य स्वर्गस मंज़ । दोशवय ऑस्य मीलवादय पैदल चकर करान । भोपालस मंज़ रोज़ान गयि करीबन अरदाह वरिय। लिखॉर्य सिंज़ भॉर्या गयि वन्य शुसतथ वरिश लगभग । पंचिमि फरवरी २०१५ गव तमन सख्त ब्रेन स्ट्रोक । केंचन दोहन तति हस्पतालस ज़ि मंज़ रूज़िय, अॅन्य अॅसि सो दिल्लि । मगर अफसूस, लिखार्य सिंज यि आशियॉन्य गयि होली हिंदिस पावन पर्वस प्यठ, हंग-तु-मंग स्वर्गवास । लिखार्यिस जन पेयि नभु-त्रठ । सु फुट पूर पॉठ्य । लिखॉर्य सिंज़ यि आशियॉन्य ऑस तम्य सिंज़ि जिंदगी हिंज़ दोस्त, रहनुमा, सामाजिक ठोठ, अॅछ, कॅन, देमाग, लोल मोहब्बत, खराब दोहन हिंज़ वत हाविन्य वाज्येन्य, खुशी हिंदयेन मौकन हिंज़ असुविन्य सॉथी, लेख लेखन मूजुब हेम्मत तु जिंदगी हिंज़ बुनियाद । लिखार्य छु वन्य कीवल ओश तु वोश त्रावान तु लमान जिंदगी। सत्य छु माता दुर्गायि प्रार्थना आसान करान, ज़ि येति कुन्यि जायि भार्या सिंज आत्मा आसि, तथ मीलिन पूर्ण शांति । सुत्य दीन असि सारिनय, दोसि दोसि आशीर्वाद

अस्वीकरण :

उपरोक्त लेख में व्यक्त विचार लेखक के व्यक्तिगत विचार हैं और kashmiribhatta.in  उपरोक्त लेख में व्यक्त विचारों के लिए किसी भी तरह से जिम्मेदार नहीं है। लेख इसके संबंधित स्वामी या स्वामियों का है और यह साइट इस पर किसी अधिकार का दावा नहीं करती है।कॉपीराइट अधिनियम 1976 की धारा 107 के तहत कॉपीराइट अस्वीकरणए आलोचनाए टिप्पणीए समाचार रिपोर्टिंग, शिक्षण, छात्रवृत्ति, शिक्षा और अनुसंधान जैसे उद्देश्यों के लिए "उचित उपयोग" किया जा सकता है। उचित उपयोग कॉपीराइट क़ानून द्वारा अनुमत उपयोग है जो अन्यथा उल्लंघनकारी हो सकता है।

साभार:- कन्हैया लंगर कॉशुर समाचार जनवरी 2026