बब

 

कुस वनान "कुन पान हँसा गव रहति जान, काँसि ज्यवान काँसि मरान नय कांह रिवान" कुन छु फलवॉय, कुन छु क्रेशान, कुन हुनान, कुनिस अपऽम्रत्य छु निवान कुन्यर प्राण ।।

न जाख तु न प्याख, नहकय पानो वलन आख, यि प्युत ओस दीन दुरॉनिस प्यठ मुकुमल ब्यहान । दीनानाथ ओस त्रन बारन्यन तु द्वन ब्यन्यन मंज़ सारिवय ज़्युठ । मोल, व्यशिनाथ दुरॉन्य, लोकुटुय गुज़रन, द्वदुप्राचल तु खाम शुर्य फोत तु ल्वकुट मॉसम रॅन्य पथ त्रावन किन्य लोग दीनानाथ ल्वकुचारुसुय दांद संघ पाठय ग्रहस्थ किस तिलवानस । व्यशिन दुरॉन्य ओस मॅहकमय मालस मंज़ ह्यड क्लर्क, जान सफेदपोश नावदार इसमदार बटु सिरीनगर गाँखनुक रोज़न वोल । कॉलय, वैशिर (वैशिमाल), ऑसुस स्यैज़ बोज़ यस दुनियादारी तु आज़रथ माजरथ ऑस क्वदुरनत पिहिथ छनिमुच अमापुज़ पाँस ट्रॅक्युक ओसुस न दून तु न स्वाद । ग्रंद औसस दहन तानी यिवान । तिम हुर गयोव यच देह्या तु कॅच । बरथाहन ति द्युतनस न जाह पाँस ट्रंक अथस मंज़ तमि किन्य ओसुस न खर्चिनुक बरचिनुक बाशी। अमि किन्य येलि व्यशि दुरॉन्य गुजुर्योव व्यशिर ऑस मूलय अथ छयेन्य । मॉल्य सुद्य दोह करन बापथ प्यव दीनस वौजुम वोरूद करुन । बाज़र पॅचिस यि ज़ॉनिथ जि व्यशि काख आसि अयालस केह संच्यथ त्रॉविथ गोमुत तु तमि अलाव आस्यस प्राविडंट फंड, ग्रेच्युटी तु इन्शोरंस बेतरी ति पलि । बैयि मेलि व्यशिमालि म्वंड प्यन्शन ति, प्यठ छस गांखनस मंज लॅर जाय ति खुल डुल-सथ ताख चोर पोर लॅर, कोचि बर अचुवुनय दु कनाल वॉर तु पांछ पॉव्य प्यढ़ कनि चोर मरल आंगुन । तिमन ऑस सथ जि त्युहुंद वौजुम पाँसु छु दुरॉन्य गरस मंज़ द्वद च्यवान । व्यशि माली ति कॅर्य रन्य संघ दोह श्रदायि सान तु वछि वॉलिंजि । अंगव ऑशनावव दिवनोवहस रन्य संघ प्राविडंट फंड ओस व्यशिनाथनिस आसन कालसुय मंज़ विजि विज़ि वौजुम तुलन सॉत्य छवक्योमुत । सु रकम म्वकल्योव बाजुरुक कर्ज नख वालनस मंज़ । बाक्य पाँस गव व्यशि नाथुनि क्रियाकरम क्यन बियि बियि अखराजातन प्यठ । प्यशन ओस त्रुक त्रुक त त्रु पांसी। प्यठ ऑस नु व्यशिमालि खर्चि करनच बोज़ शोच। अकि कनि ऑस डवड खर्चान । पछ्यन छयेंद्य करान तु दल्य चटान । माजि इंदिस पाँसस प्यठ गर्युक खर्चि बर्चि करुन, बाजुर्य कॉम, रसद खा न्य, वॉर लागन्य, ऑशिनावन रशनावन श्येछय खबर हैन्य बेतरी कामि आसु दीनानाथसय मटि । बायन बैन्यन इंद्य पॉठ्य ओस चा हाल ति गछान अमापुज़ परनस लेखनस कुन ओसुस न दिल खास केंह लगान। पोत कल आसुस गर कुन तु बायन बैन्यन इंज़ि बजॉयी कुनुय रोजान। पान करिहे या नु करिहे तिमन ओस पतय रोज़ान चाटहाल यिथ स्कूल मीजमुच कॉम तु सबकस तॉलीम करन बापथ । मोल मरन पत वहुरी च्यून दीनन जि माजि इंदिस प्यनशन पाँसस प्यठ हकि नु गर पॅकिथ तु बैयि शूब शरम रछिन् यिथ । बाज़रस मंज़ ओस वानुवाल्यन हुंद कर्ज दोह दोह हुरान । प्यठ माजि दून स्वाद कमय आसन म्व ऑस स्व अंकि बदल डवड खर्चि करनावान । दीनन ओस होरुक योर तु योरुक होर कॅरिथ बाज़रस मंज़ पनुन परतीथ थो मुत अमापुज़ दोयिम वरी गछान गछान बडेयि वानुवाल्यन इंजु वगुरायि । केंचव ह्योत वोजूम दिनस नकार करुन तु केह ऑस्य मिनथ थविथ त नस खॉरिथ वौजुम दिवान। अॅकी वरियि आव दीनस मैट्रकुक इम्तिहान । गो यिछन गॅरिच्यन परेशॉनियन मंज तम्यसुंद इम्तिहानुचि तैयारी कुन दिल द्युन ओस महाल ताहम कर तम्य बंदच्यन छुटियन मंज कम कास तैयारी, ब्यूट इम्तिहानस तु कॅरिन गार्यव कंडय्व परचि । पास गछुनच सथ आसुस कमय अमापुज़ इम्तिहानस बिहुन जोनुन अमि म्व लॉज़िम ज़ि तमि दि इम्तिहान न बेहुनु सात्य रटन काँस्य गलथ मिसाल । इम्तिहान दि य द्राव दीनानाथ नोकरी छांडनि । सरकॉर्य नोकरी मेलनुक ओस न सवालय । तथ गँछ थज़ि सनुदि पेठय डाडु सुफॉरिश या रश दिनच हसीयथ आसन्य । दोन त्रैन यर्तन पद्य फालवन पतु मीजिस नुमॉइशि मंज़ अॅकिस शाल वानस प्यठ दस्त फरोश सुंज़ मुलॉज़िमथ । तन्खा लॅजस पदह रोपुयि यर्तस । अमि आमदनी सॉत्य आव गरस वूड । बाजुरुक शरायिज़ॉल वथ वार वार न । बायन ब्येन्यन रूज़ पढाय जारी । व्वमेद नु ऑसिथ ति द्राव दीनानाथ मैट्रिकस पास । अमि सॉत्य हुर्याव तस बायन ब्येन्यन मंज़ मान तु तिमव ति द्युत परनस कुन तवजू । अमापुज ऑठिमि जमॉच पास गॅछि य त्रावनावि माजि द्वशिवय कोरि (गौरी त श्वर) पडॉय यु लाजन तिम गरुकाम्यन त कस्बस । माजि कोरि आसु फ्वम्ब कतान, बॅनियान तु डोरि वोनान तु बियि सुचुनि कॉम तु करोशी कॉम करान । यिमव मंजु ऑस व्यशिमाल ओडा द्रालस कुनान त ओडा कोर्यन इंधन ट्रंकन तु वर्दनु बापथ जम करान । 102 जु त्रै नोकरियि बद्लॉविथ यौतताम दीनरॅज़िडंसी रोड्स प्यठ अकिस जनरल स्टोरबहसियति सीनियर सेल्जमैन 50/- वर्चुवितंखाहस प्यठ वोत मंज़िम्य बॉय, दारिकानकोर बी.ए. पास । शैयि र्यत्य अॅकिस बिसि जा तु वथ वलज़ कॅरिथ मीज्य तस अटेंडी कुलक । दौयि वुहूर्य पतु कौर सारिव्य काँस्यदयाकृष्णन ति बी.एस.सी. पास तु लोग कैम्य रछन महकमस मंज़ रिसर्च अॅसिस्टंट । ब इंदि यिथु पॉठय बाल बछि लगन सॉत्य हुगरस आम नी। वोन्य रूद्य न दुरॉन्य अथन लड़लायख । तिमन चौल जचन पयि फ्युर,जंदन प तु स्योन तु क्योन। वोन्य ओस बाजुरस मंज़ दुकानादीनानाथस नॅव्य नव्य सोदा, डिज़ाइन तु फॉहावान तु यि वॅनिथ ज़ि "नियिव माहरा अख म्यानि वनुनु, त्वहि कुस छु हार वन्य मंगान । ख्वश कॅरिव तेलि दियितव । सोन पांस माहरा रो तोहि निशि द्वद चवान। सोंचान क्याह छि त्वहि मन वन्यकिस वनान आसि ति गछितन क्व अमापुज़ यि पगाह वनि ति म्ये”,दीनानाथस मा पुशिरावान। मॅहलस अॅहलस मंज ति हुयव अ दुरान्य गरस यज़थ । ब्यनि बॉय ऑस्य दीनानाथफरमांबरदार। बॉय ऑस्य तन्खा येथ दीनानिथुसयखोरन तल त्रावान तु सु यि अथ तुलिथ दियि हेडती ओस तिमन यतस प्यठ चंद खरच । बूजिथ जेबखरच आसश्नुक असर रूद यि ज़ि बॉय रूद्य कचिकांह बद सिफथ सौहबथ लायख नु, बियि आदि हकस हमसायस मंज़ नेशनावन । गौरी तु श्वर वाच यीतिस कालस नेतुरस जान नावदार इसमदार तान चारिथ आव तिमन अॅकिसय सातस प्यठ लगुन करन। व्यशिमालि खनेयि खोनुवटु खोड जि कोर्यन ब्रोंह सपदिहे दीनानाथस नेथुर। अमापुज दीनानाथन मोन न मुत्लक ब्येन्यव ब्रोह पानस खांदर करुन । दीनानाथस ओस नु गक लोह लंगर संबालन, बाजुर्य कामि, रसद खारनु बेतरी खातर गॉर सरकार्य नोकरी मंज़ दहि प्य ऑठन ताम कामि प्यठ रोज़न म्वख मोकूल वख मेलान । सु ओस नु यिम जिमुवॉरियि बायन प्यठ त्रॉविथ तिमन पननि कामि कार निशि ध्यान डालुन ति यछान । प्यठ ओस दारि श्येन येतन दरबार मूवस सॉत्य जोम तरान । अमि किन्य ओस दीन नोकरी ब्यमनय करान । तमिस ओस वन्य अकुय मुदा जि सु बसाविहे बायन हुंध गर तु वालि हे पनन्य ज़िमश्वारी न । अथ्य ठोस ठोसि मंज़ द्राय जु वरी। दीनानाथ ओस वोन्य पुंचुहि डोलमुत । तसुंदिस खांदरस ऑस वाँसि तु प्राइवेट नोकरी आसन म्वख ठोंठ यिवान । प्यठ ऑस तस पानस ति ऑस नु नेथुरच यछा। अमि म्व स्य हव दलव दलीलव पत आव ग्वड द्वारिकानाथस तु पत् डोडय वर्य दयाकृष्णस खांदर करन । यि खांदर सपदिथुय कॅर दीनजुवन नोकरी लव तु ब्यूठ गरि गर्यक लोह लंगर सम्बालनि । खांदर पतु गौड़निकि वरियि नियि नु दार्यन रॅन्य जोम पानस सात्य गौडुनिकि कॅरियिक्यव गव म्व -शिशुर, हेरथ, जर्मसतम, नेथरवोहरवोद बेतरी । दोयिमि वरियि यि ज़ॉनिथ जि दार्यस छु श्येन र्यतन परदेसस मंज़ बाज़रुक तु अवुल सवुल ख्यनु सात्य जुव बिगरान तोर यिथ जन ऑसुस बखॉलन जून लॅजिमुच आसान नियि तम्य माजि हुदिस तु बायलालनिस (दीनानाथुनिस) ज़ोर करनस प्यठ जनानु - राधा दरबार मूव वख्त पानस सात्य जोम । दारि ओस जेमि प्यढ़ ति प्रेथ येतु पनशन बूजिथ खर्चि खातर रकम विथ बाक्य तंखा बॉयलालस मनीआर्डर करान । बॉयलाल ति ओस माजिहंदि प्यन्शन, तु बायन हंदि तंखाह मंजु गर्युक खर्चि बर्चि कॅरिथ हुयमुत रकम बंकस त्रन खातन त्रावान ज्वाइंट अॅकाउंटस, द्वारिकानाथुनिस खातस तु दयाकृणुस खातस । प्यठ ऑसिन बॉय बीम ति करनव्यमित्य । तिहुंजन पालिसियन हुंद प्रीमियम ति ओस दीनानाथुय बरान वख गव पकान असान त गिंदान । बॉय तु ब्यनि बनेयि शुर्य वॉल्य । बाजजु तु बाबथुर ज़्यनु सात्य आव दीनानाथ वारय वोलुसनस । वन्य ओस सु ओंठवन्य पहरन आवुर- कि सुबहु प्य दौयिमिस सुबस ताम शुर्य रछिनस ललवनस, जल मल क नस, ख्यावुनस चावनस, पानस निशि सावनस वुजुनावनस, ल्वकुचन जमाचन मंज़ परनावनस लेखनावनस, बजन जमॉचन मंज़ तिम पडायि कुन ध्यान दिवनावनस, ब्यशूक पॉठय पत पत पॅकिथ सर करनस प्यठ जि तिमन छि आदाथ अतवार, वोथर बेठ, संग सौहबथ जान तु कांह अतुर करनस प्यठ तिमन तंबेह करनस मंज़-यि दप्यजि ति पोत छायन बुछ्नस मंज़ तमिसुंद दीन दुनियाह ऑस्य यिमय शुर्य यिम लॅमिस ति ऑस्य स्यठाह लॉय । बायन बैन्यन हुंद बॉय लाल ओस बावजन बाबथुरन हुंद बब । द्वारिकानाथन त्रॉव्य शुर्य (जु न्यैचिव्य, अनिल त सुनिल, तु कूर अनीता) पांच पांच वुहुर्य गछिथ्य पानस सात्य जोम निन्य । तिम लॅग्य वंदस बबस निशि सिरीनगरय रोज़नि तु बडेयि दयाकृष्णुन्यन शुर्यन (दोन कोर्यन, सुनीता त सुजाता, तु दोन न्येचिव्यन, कंवल तु नवलस) सॉत्य बबुनिस्य फॅरिस तल । दारि तु दयि ऑस्य बॉयलालस ताबेदार अमापुज गॅरिच्य ज़िमुवॉरी तु म्यंगदग ऑस तिमव बॉयलालस प्यठ्य त्रॉवमुच । शुर्य बडेय । च्वशिवय लॅडक द्राय अकि अकि पडायि बापथ कॅशीरि न्यबर । दोयव कर अंजीनरी, अॅक्य एम.बी.ए. तु अॅक्य बयाकेमिस्ट्री मंज डिग्री हॉसिल । द्वारिका नाथुन ज़्युठ न्येचुव, अनिल, त दयाकृष्णुन ज़्युठ, कंवल, गॅय अमरीका। एम.एस. कॅरिथ गय तती बसिथ। दा न दोयुम न्येचुव, सुनिल, गव ऑस्ट्रेलिया। तु दयुन दोयुम, नवल, गव पी. एच.डी. कॅरिथ बम्बयि मंज ॲकिस रिसर्च स्यंटरस मंज तॉयनाथ ।

अस्वीकरण :

उपरोक्त लेख में व्यक्त विचार लेखक के व्यक्तिगत विचार हैं और kashmiribhatta.in  उपरोक्त लेख में व्यक्त विचारों के लिए किसी भी तरह से जिम्मेदार नहीं है। लेख इसके संबंधित स्वामी या स्वामियों का है और यह साइट इस पर किसी अधिकार का दावा नहीं करती है।कॉपीराइट अधिनियम 1976 की धारा 107 के तहत कॉपीराइट अस्वीकरणए आलोचनाए टिप्पणीए समाचार रिपोर्टिंग, शिक्षण, छात्रवृत्ति, शिक्षा और अनुसंधान जैसे उद्देश्यों के लिए "उचित उपयोग" किया जा सकता है। उचित उपयोग कॉपीराइट क़ानून द्वारा अनुमत उपयोग है जो अन्यथा उल्लंघनकारी हो सकता है।

साभार:- हृदयनाथ कौल कॉशुर समाचार जनवरी 2026