वाख-4
26. यस दोद तस दग सुय जानान कदर
संसार मशरिथ दगि पान ललवान
वख्त त भख्त युस ज़ानि ज़ वोद्धर
तस संतोष यम्बरज़ल पाअनअ फोलन
27. हरकति सअती भरकथ आसन
शोद्ध अन्ताकरण पाप गलन
बेहवाल रोज़ुन अरेर कासन
आलच़ मूड़ रूज़िथ पाप फोलन।।
28. ज़िव ज़अच कुलि कटि पूज़ि युस
मनअ पूज़ा तन शोद्ध थअविथ
तमी बानअ सोदा तथ गाटअ कुस
छु दय तथ मंज़ सरूप भअविथ।।
29. खुरि लद डेंजि युस खुर कासि
सअचनि भरि मुहुल तारि
पछ़ करि युस तस प्रखुट बासि
बे पछ क्या लबि अनि सारि।
30. शिव सुन्द ध्यान थविथ पान युसगालि
पअंछ शोद्ध क्रेयि श्रवि तिमन होश
अन्दिरिम सतअनय गडिं अकि मालि
तसमान मुख्ती तअ येति संतोष
31. अभ्यास पानस प्रज़लन सु नूरय
सत्यचे नावि सदरस रटिथ नम
तस बहाव करि क्या गछ़ि तार पूरय
दय नाव सोरिथय गछ़न खोफ कम
32. सकाम भाव शोद्धकर्म युस करि
यितअ गछ़ छेनिनअ मोकलन पाय कति
निशकाम कमय तस अरपन युस करि
बन्दन छ़ेनिथय मुख्ती यहय सत्य
33. गोडअ विश्वास गोरस, ज्ञानस, ध्यानस
आत्म विश्वास बडिथ बनि आत्म सरूप
अदअ बोद्ध लगि निशकल न्युरगुणस्थानस
युस पानअ केवल निराकार भ्रमरूप
लेखक : राजन्दर जद (राज जद)