वाख -5

33.          गोडअ विश्वास गोरस, ज्ञानस, ध्यानस

              आत्म विश्वास बडिथ बनि आत्म सरूप

             अदअ बोद्ध लगि निशकल न्युरगुणस्थानस

            युस पानअ केवल निराकार भ्रमरूप

34.       काम क्रूद मन थविथ कच़े

            मोह लूभ अंहकार त्यअगिथ त्याग

          ध्यान प्रकरम करिथ अन्दरिमि ज़चे

         दय म्युल सपदिथ यूगुक बाग |

35.         मन सअति म्यादस कर खानअ च़ोर

             दोनु ख्यनसंअति खार चय अद पोर

            त्रेयम पानि सअति पतअ भरून गव जान

            चूरिम खअली थवनुक थव ध्यान।

              यि मंत्र थवि अदअ रूगव दूर

             वीदन मंज़ ति व्याख्या अमिक्ष पूर

36.        चूडअ हमवार गछन यि डूर

            सग खाधि बेरव गछन यि पूर

           युथय ब्योल त्युथय नेरि फलआहार

           दय संज़ि गति फोलन गुलज़ार

37.     पननिस पानस कडअनि आलथ

          लबिकुन थवअनि पनअनि जहालथ

         अन्दरिम मोख्त ब्योल तथ करअनि लय

         युस न कांह दिवान सु दियि दय।

38.    त्रेश गछि ख्योन, ख्यन गछ़ि चयोन

        खोश मिज़ाज़ भावसान बोछि वखतअ

        वोखरय अन्दरय गछि तेलि नोनअ

        अमृत कोंड युस करि सिरिय रखत

39.      कोंदे मंज़ भर म्येच़ि हन्दि बानय

          अन्दरिम नार जाल ठान थवुस

          तपबल नेरन पोख्तघ्य पानय

         गफलत गछ़ि न तस बेदारयुस

40.    मअलिख सोज़न कारबार करनस

            अनज़ान दीशस फीरिथ थूरिथ

             हिसाब सु प़ानअ करन रोज़न कवस

             वखत डेंशन त निवन शोंगिविथ।

लेखक : राजन्दर जद (राज जद)