च़रणन तुहन्द्यन लगव पार्य पारी, माज्य रानि ब्रारी हारिये।

वादह वोत नज़दीक छय साञ वारो, तार दिम पनञ ह्यथ सारिये

थकिमित्य छि अजतान्यथ प्रार्य प्रारी, माज्य रानि ब्रारी हारिये

सतचित आनन्द निर्विकारो, ख्यथ च्यथ च निराहारिये।

पापन नाश कोर व्याचार नारी, माज्य रानि ब्रारी हारिये।।

निमल बुद्ध कर छिय अस्य चारी, आरचरन कन दारिये।

कास वारह पाठ्य अज्ञान बेमारी, माज्य रानि ब्रारी हारिये।

क्या अनह वनह वनह बो पोशि बारी, असि भावह पोशीय छारिये

पूज करह आयम लोलह अशि टारी, माज्य रानि ब्रारी हारिये ।

असि पाप मिटाव कर म शुमारी, अस्य छियना व्यवहारिये।

दयायि कलमह स्यीत चोपारी, माज्य रानि ब्रारी हारिये ।।

जगतस मंज़ तुज्य स्यठा खारी, मोकलाव वा करतह यारिये।

अस्य गाटल्य या छिय चार्य फ्यारी, माज्य रानि ब्रारी हारिये ।।

केंह दम्भह भरिथ लूकाचारी, करान छिम ब्यवारिये।

पज़र क्या जानन समसारधारी. माज्य रानि ब्रारी हारिये।

प्रेयमह ओश ल्वोग गछनि जारी, सोज़ाम राजह कूमारिये।

बोज़ सोज़ कांह लारव ननहवारिय, माज्य रानि ब्रारी हारिये ॥

यारहबलह डोलान ह्यथ नाकहवारी, यस चाज दया रानि ब्रारिये

दिव-पालकि क्यथ करान सवारी, माज्य रानि ब्रारी हारिपे ।।

गोवेन्द छय ना दर इन्तिज़ारी, चलरावतस बेकरारिये ।

दयायि चानि अजताज क्यीत्य तारी, माज्य रानि ब्रारी हारिये।।