निर्मल बुद्ध कर म्य सरस्वती, मार्य मती हय तम्बलोवुस ।।

दीशि कालह रोस्त छय निवासई, क्याज़ि कोरथस बु उदासई ।

वादह थविहे प्रारस ब तती, मार्य मती हय तम्बलोवुस ।।

नावह वरणह गोत्रह रोस्तुय, कोर च्वोलुम कोरनस म्वोतुय ।

पानस पानय ब्रोठ तय पती, मार्य मती हय तम्बलोवूस ।।

नय छस मोलनय छस माजी, नय छुस शुर नय छस ज़ोजी ।

ज्यनह मरनह रोस्त छुय सु सतो, मार्य मती हय तम्बलोस ।।

मन न्यूनम कस बो वनय. सरूर द्यु तनम ख्यनय त च्यनय ।

अशिकज नारह त्यंगल छि तती, मार्य मती हय तम्बलोवूस ।।

त्रगुणातीत शिवह रूपह पानय, दिह अभिमानच्य चज्य म्य हानय।

हनि हनि मंज़ छि नरञा फोती, मार्य मती हय तम्बलोवूस ।।

रिन्दव मय मयखानह मंज़य, अड्यव कम चव अड्यव तंज़य।

केंह फटय तय योर नो खती, मार्य मती हय तम्बलोवस ।।

केंचन तोरय दिवन छि आलव, केचन पपिथ ख्यवन छि हालव।

असि बख्श अस्य छिय आरहकतो, मार्य मती हय तम्बलोवूस ।।

क्याजि छांडान न्यबर च हिये. मनसई मंज़ कुलुय छये ।

मन साक्षी यस लांग हिय फोतो, मार्य मती हय तम्बलोवूस ।।

नय रोज़ि धन तय दौलत, नय रोज़ि हशमत हकूमत ।

सारिय अति गयि त्रेशि हती, मार्य मती हय तम्बलोवुस ।।

छोह छ दिवान क्या यावनि चूर, काल्य चल्यम गछ्यम मा सूर ।

गछनय च्यति वञ केश छती, मार्य मती हय तम्बलोवूस ।।

ह्यन हय आसीय हा रिन्दह पानो, ख्यन हो मशोय यि वुछानो।

कुस रूद तय कुस रोजि येतो, मार्य मती हय तम्वलोवूस ।।

तूश्यतन वोञ श्री आदि गणेश, हनि हनि मंज़ छुय तसंद प्रवीश।

मनहनावतन ही पार्वती, मार्य मती हय तम्बलोवुस ।।

सोरुय चई छुख सारिकुय साक्षी, गोवेन्दो पान म जान खाकी।

वीद वथ्य चात्र करन अस्तुती, मार्य मती हय तम्बलोवुस ।।