रोजि रोशन जलवह पननुय ही शिवह हावुन प्योवुय ।

लालह दयालह नालह रोटथस मलालह त्रावुन प्योवुय ।।

गचि रान मंज़ चन्द्रमह ज़न गोख उदय भगवन ।

शीतल च्यत शान्त गव मन, न्यन्दरि वुज़नावुन प्योवुय ।

लोलह अमृत ध्यानह अमृत, यूगह ज्ञञानह अमृत।

पानय नि नह अमृत, ओरय चे चावून प्योवुय ।

शिव शिवह लोकय येलि द्रायाव, वुछतो वापस मा चायाव।

गोवेन्द रुशित चे द्रायाव, न्युन सु मनहनावून प्योवुय ।।

नाव ललहवुन भाव वन्दहस, तय तिमय भवह स्यन्दस।

नाबहकारस गोवेन्दस, सोरुय ने भावुन प्योवुय ।।

सतगुरु पादन करय मोञ, स्तुति चानिय मे वज।

धन्य धन्य धन्य ही शम्भू, कन चे दारुन प्योवय ।।

अस्यति जनतर्य तारिथ चेक्यीत, सारियछिचानिय खीत्य ।

अनुग्रह सतनावय स्यीत, मनम्योन नावून प्योव्य ॥

प्रावहनाविथ परमह आनन्द, खुलह गयि अन्दह वन्दहबन्द ।

ब्रह्मह लोकस मंज गोवेन्द, दातह वातहनावुन प्योवुय ॥