गोमुत होल छुमना अमे लोल् चाने,

गजिम तन म्य हन-हन शिवनाथ म्याने।

फॉलेम मन चलेंम शर म्य दर्शन चाने,

गजिम तन म्य हन-हन शिवनाथ म्याने।।

1

ग्मच चअन छम कल ही शिव शम्भू,

तिछिय यिछ गुलन मन्ज़ पिनहान खुश्बू ।

चवान लोल मस छुस मयखान चाने,

गजिम तन म्य हन-हन शिवनाथ म्याने ।।

2

बसित छुख शिन्याहस त् सब्जारस्य मन्ज.

च छुख दूर व नज़दीख गुलज़ारस्य मन्ज़।

च् आकाश व पाताल वनिथ् कुस जाने,

गजिम तन म्य हन-हन शिवनाथ म्याने ।।

3

गोमुत यन् म्य दिल्स्य असर चानि लोलुक,

तनय ब् ख्यवान छुस ना गम हरद् वावुक ।

सहारोज़तम भंग मस्तान् म्याने,

गजिम तन म्य हन-हन शिवनाथ म्याने।।

4

मलिथ सूर बिहित छुख वलिथ सह मुस्लाह,

कमण्डल, कोंडल ढोलकी तय त्रेशूलाह।

खोहवरिकिन ऑमा छय हयो नुन्दबाने,

गजिम तन म्य हन-हन शिवनाथ म्याने।।

5

च छुख साज् कुय सोज़ फिजाहस अन्दर च्य,

य कोस व कज़ाह बअगरान रंग चूनुय ।

च इजहारि महोब्बत तलबगार जाने,

गजिम तन म्य हन-हन शिवनाथ म्याने ।।

6

चे मालव बदल नअल नीलकण्ठ वासुक,

जटव मन्ज वसान छय गंगा पाप नाशक ।

चन्द्र डेकि शूबान हयो डेक्लाने,

गजिम तन म्य हन-हन शिवनाथ म्याने।।

7

छ चअनी जअलस मन्ज शीतलतअयी,

सतुक भाव च्य छुख असत छु फनअही।

तुलख योद खन्जर बुम् जवहर प्राने,

गजिम तन म्य हन-हन शिवनाथ म्याने ।।

8

वेनेथ्र धारो करुम शोभ नज़राह, च्

मस्त छुख चरस च्येथ कर म्यून परवाह ।

छलयना पादि कमल अशिवाने,

गजिम तन म्य हन-हन शिवनाथ म्याने ।।

9

असर लालनय मन्ज़ चु छुख शिवनाथो,

प्रजलवुन च् सिरियस अन्दर शिवनाथो।

वॉलुस शिवनाथो सुन्दरतायि चाने,

गजिम तन म्य हन-हन शिवनाथ म्याने।।

10

चे छांडान भक्ति छी केलास वअसी,

गोमुत ख्यबस्य कयाजि छुस चून दअसी।।

च व्छतन चे अन्दर छुमा पान् म्याने,

गजिम तन म्य हन-हन शिवनाथ म्याने।।

गोमुत होल छुमना अमी लोल चाने,

गजिम तन म्य हन-हन शिवनाथ म्याने।

फॉलेम मन चलेंम शर म्य दरशन चाने,

गजिम तन म्य हन-हन शिवनाथ म्याने।।