गोवेन्दह तस दयस मंग कीवल भक्ती दान ।

कीवल भक्ती दान मंगसह कीवल भक्ती दान ।

भक्ती ध्र व राजन कर भक्ती प्रहलादन,

भक्ती स्योतिय भगवत मेलिय भक्ती टाठ साधन

दुर्योधन सुन्द साला त्राविथ बिधुरिस निशे चाव,

कृष्णह भगवानन हाख ख्यव सिवमुत बुड छुय भक्तीभाव।

भक्ती मंगान दीवता सारिय, भक्ती मंगान संत,

भक्ती भक्तन तारान छय भक्ती ग्यवान ग्रन्थ

शिबरायि हंद्य छयटय ठि खेयिनय रामन प्रयमह सान

ऋषि मुनी वदनि लग्य तिमन वोथ अभिमान ।।

भक्ती रयिदासन कर प्रावन परमह गथ,

वाह वाह करान सासह बद्य त्वरय पानस स्यीतिय ह्यथ

जान हुन्द अभिमान क्या करहनुय ब्रह्मण बेयि छूस कोल,

त्येलि छुख ब्रह्मण त्येलि छुख कोलुय हरगाह छ्य दयि लोल॥

गुणवान ब्राह्मण भगवानन वोन छुम मे त्युथुय टोठ,

आधीन चन्डाल भक्ती सानई छुय मे युथुय टोठ ।

ब्रह्मण वरणन ब्रह्मण मारिय कति छुख ब्रह्महज्ञान,

शरण रूद्य रूद्य वुछ नीच तर्य अमि खोतह नीचई जान ।।

जान हुन्द अभिमान कांह मो करिव तति गछि आसुन भाव,

यस आसि भावई प्रछनस न नावई दयि सुन्द दरबार चाव।

भक्ती मंगान ब्रह्मा वेशिन भक्ती मंगान शिव,

कमुक धमुक यूगुक ज्ञानुक सायुक प्रेयमई ज व ।।

येछिबय भगवानह सुन्दुय दशुन, संतन निशि लारिव,

तिम करहनावह नवह दशुन पानय व्यचारिव ।

बैकुंठस मंज़ छ भगवान यि कम्य द्यु तनवह भ्रम,

सु छ संतन निशे आसान छुम तिहुन्दुय कसम ।।

सुद्ध मन भक्तन हुन्दुय छुय भगवत सुन्द मन्दर,

नन्य पाठ्य वुछिहन गोवेन्दो लार बा दर्शन कर ।

भक्ती नारदमुनियन कर भक्ती शुकदीवन..

भक्ती टाठ छय गोवेन्दस मंगाम रातरधन ।।

भक्ती कबीर भक्तन कर तारिन लछि बद्य जीव,

भक्ती साधव संतव कर तिहिंदिय पादई सीव ।

सोदाम जियिनुय कुमफोल ख्योवनय वुछ कमि प्रेयमह सान,

गोवेन्दो भगवानस प्रयमई हो प्रयान ।।

दयस मोंगमय रातरधन संतन हुन्दुय संग,

गरि खोतह गरे गोवेन्दस अमिचिय करनय मंग।

त्यथ दयि सुन्द छुम नो लोल युथ छम संतन हन्द ।

पोज़ य बूजिव वा नो शोख परुन ग्रन्थन हुन्द ।।

कीवल भक्ती दान मंगसह कीवल भक्ती दान ।।

                           ***

मांगो तो मिलेगा, खटखटाओ और दरवाज़ा खुलेगा। जब तुम मांगते ही नहीं, तो देने वाला क्या दे। क्यों दे ! और किसे दे ! और जब तुम खटखटाते नही तो खोलने वाला क्या खोले ! क्यों खोले ! और किसके लिये खोले ।