लालह लायय लोलह नादा, लोलह आलव बोज़तो।।

पोम्पर्य गथ करयिह संतव, ज्येति रुपस चानिसई ।

दिह अभिमानई पनोनुय, ज़ोलह आलव बोजतो ।।

नादह मंज़य बेन्दई द्राव, बेन्दह मंजय नाद सु ।

रवह सन्दि खोतह चमकान शोलह आलव बोज़तो।।

रंगह रंगय मिरदंगय, सारंग रारंग मधुर ।

सहुंगह मुर्ली मधुर बीनई डोलह आलव बोजतो।।

यस अनुग्रह तोरकुय छु तस परवाय क्या छु गम ।

नाद बज़्यथई संतव ना जाह, वूलह आलव बोज़तो।।

गुरु शब्दस छेन छुमा रात द्यन सुय बोज़हना ।

सतगुरु दीवई मे टोठयोव, मोलह आलव बोजतो ।।

वज़नस तथ नो छु छेन त्रटह लोफय ज़न वज़न ।

मायाये स्योत छु युद्धई, गोलह आलव बोज़तो ।।

परमीश्वर श्री सतगुरु, ओरय ज्येति टोठयोय ।

दितूहय पानह गोवेन्द, कोलह आलव बोजतो ।।

                      ***

हृदय की सच्ची शान्ति वासनाओं के दमन से मिलती है, न कि उनके अनुसार चलने में ।