तम्बलाविथ वोलुम यार, बे आर हय वेसिये ।

वज नय छुम करार, बे आर हय वेसिये ।।

तस निशी क्या यि कार, नारस करिह्यम गुलज़ार ।

शूभिदार सोन सरकार मुखतार हय वेसिये ।।

वखतस हय मदार, दमसई स्यीत नमस्कार ।

दम येलि न त्येलि न काँह यार, ऐतिबार हय वेसिये ।।

छावव सब्ज़ सब्जार, करसना इयि बहार ।

बुलबुल छि गुलज़ार, बेखार हय वेसिये ।।

बोज़ान कोनह छम ज़ार, आमूतय छुम म्य चार ।

गामुत छुस बेमार, बेकार हय वेसिये ।।

तन मन क्वोर निसार, तस पथ यि ल्वकचार । 

बेयि केंह छुम न बकार, सुय यार हय वेसिये ।।

द्रायोसस खरीदार, कूर्य कालह सौदागार ।

तावनुन छुय बाज़ार, सम्सार हय वेसिये।।

दज़हवुन नार सम्सार, युथ काँह न बाज़ीगार।

अशिच्य छम चलन धार, फम्वार हय वेसिये ।।

बोन वननस नय वार, प्रथ कॉह गोम बेज़ार ।

आमन क्वोडुस संगसार, आज़ार हय वेसिये।

खार गोस ब्वोठ म्य खार, प्रारन छुस दिम तार।

आर इयिनय वञ धार, अवतार हय वेसिये।

अन्दर अचिथ ओमकार, स्वर जवह बारम्बार।

कन दार बोज़ स्वय तार, सेतार हय वेसिये ।

लोलस ह्य व न मजहदार, काँह चीज़ करतह व्यचार ।

गोवेन्दुन इय गुफतार, असरार हय वेसिये ॥

सुय गाम सुय शहार सुय बुलबुल गुलज़ार ।।

सुय दिलबर दिलदार, दीदार हय वेसिये।

                      ***

हृदय की सच्ची शान्ती भावनाओं के दमन से मिलती है, न कि उनके अनुसार चलने में।