सीवह चास चरण करह प्रणामो
Swami Govind ji
सीवह चाञ चरण करह प्रणामो,
सचित आनन्दकन्द श्री रामो॥
नेर दयस पत जुवह फीर्यज़ि न पोत,
रामस पत युथ लक्षमण मुत।।
द्राव लूख दियितन पामो,
सतचित आनन्दकन्द श्रीरामो ॥
ज्ञञानह सुथ अज्ञानह सुदरस,
विज़ि पानह तरिज़ि ज़िन्दह गछिज़ि मस।।
समह अमृत चेज़ि दामह दामो,
सतचित आनन्दकन्द श्री रामो॥
अस्ति-भाति प्रयि रूपह सर्व-व्यापक,
वातिथ मंज़ चरासी लख ।
गोसह गम वोल तमन्ना द्रामो,
सतचित आनन्दकन्द श्री रामो ।
सारिनई हुन्द स्वरूप सतचित आनन्द,
सुय बुय यि ध्यान दोर सुबह-शामो,
रेयि प्यठह ब्रह्माहस ताा अन्द वन्द ।
सतचित आनन्दकन्द श्री रामो ।।
बद्धि सीता चान्य चरनारबेन्द,
सोवन छि परमह दीवह चे निरद्वन्द ।
भक्ति मुक्ती दियि निष्कामो.
सतचित आनन्दकन्द श्री रामो ।
अस्तुती चान आवाँगह मनसहगचर,
वीदव ति ह्यचनह व ख थरह थर ।
सारिय शरण करहय प्रणामो,
सतचित आनन्दकन्द श्री रामो ।।
आनन्दह अमृत बये बयं चोम,
बाकई कोस वज रूजम काम ।
युन गछु न भ्रम छेत्र दुय जामो,
सतचित आनन्दकन्द श्री रामो ।।
लोलह नारह स्यीत दोद्धमो तन-मन,
चानिस कुनिरस कुनि नो छैन ।
किनह चे व्यन नो वनि आमो,
सतचित आनन्दकन्द श्री रामो ।।
दिह लंकायि मंज़ मुह रावुन,
सत वेचारह बाणह स्यीत पज़ि मारुन ।
कामह क्रोधह असर गालनकि क्रामो,
सतचित आनन्दकन्द श्री रामो ।
ओस पतकुन पानसई निशि सुय,
वनि आव मनि दुय चजिमई ।
छाज्याव युस शहरह त गामो,
सतचित आनन्दकन्द श्री रामो।।
गोवेन्दन वूछ सुय जायि जाये,
मनि गंड छेत्र चजि शंकाये,
परमह सुख प्रोव म्यूल परमह धामो, ।।
सतचित आनन्दकन्द श्री रामो।।