लछि बदि लटि गोछ
Swami Govind ji
लछि बदि लटि गोछ रतहछेपि च्यह लगुन ।।
अकि लटि लगनस ति लायक छुस न बो॥
ह्योकि कूस चानी कयथई अस्तुती ॥
अख ति करनस कथ ति लायक छुस न बो॥
स्यीत संतन पकहनावतम पानह चई।
त्रावनस वा पथ ति लायक छुस न बों ।।
परिलूकुक म्य सुलीय तसला गोवुय ॥
येरिलूकस यथ ति लायक छुस न बो।।।
जान्य जानी मान्य मानी क्या म्य गव ।
करहा जेई गथ ति लायक छुस न बो।
कोताह ऐहसान चोन्य सारिनई ।
छुस वनानई सत ति लायक छुस न बो ।
वालिन्जे हंद्यिरतय लेखहाय ।
छम न तगनई खत ति लायक छुस न बो॥
गोवेन्दय छुय अवय तोशनई।
छस चानो सथ ति लायक छुस न बो ।