12

पान पन्नुय चेय कर् अर्पण

सर्वज्ञ सर्वतीत ही सर्व शक्तिमान,

पान पन्नुय चेय कर अर्पण।

नेथ अनेथ परम पो ही परमात्मण,

पान पन्नुय चेय कर् अर्पण।।

1

सगुण त निगुण प्रकुट बासान,

दूर त् नज़दीक छुख वातान।

च्य मन्ज़ बेजानन त् जानदारन,

पान पन्नुय चेय कर अर्पण।।

2

तन मन धन तय पन्नुय पान,

जुव जान वंदय चेय ही भगवान ।।

सोरूय समर्पण चानेन चरणन

पान पन्नुय चेय कर् अर्पण ।।

3

ममतायि हुन्दय बलिदान कर्थ्यि ,

तमन्नाय संसार सोख्य व्लथ्य ।

हवाल चेय कोरमय पनुन मन,

पान पन्नुय चेय कर् अर्पण।।

4

कांह मरजी छमन् वासना न् किंह,

राय किहं छमन व्यचार छुमन् कि

वन् क्याह सोरुय कोत ब्योन-ब्योन,

पान पन्नुय चेय कर् अर्पण ।।

5

यछा दिलची छम यहय बस,

लय गछ चेय सअत रोजहा मस्त ।

दिम म्य ति एकतअयी हुन्द गोण,

पान पन्नुय चेय कर् अर्पण।।

6

करतम राहनुमाई ही प्रभू,

द्रढ़ अभ्यासुक कोरुम अनुभव ।

नाश कर क्षणस्य मन्ज़ व्यगनन,

पान पन्नुय चेय कर अर्पण ।।

7

दीवता, महात्मा, इन्सान व हेयवान,

ज़अलिम राक्षस नाकार त् जान ।

चअनी शक्ती मन्ज़ सारनेन,

पान पन्नुय चेय कर् अर्पण।।

8

जगदीश्वर चअन्य लीला रात दिन,

तन मन भक्ती छिप करान।

छुम न् किंह ज़रुरत रोज़तम च् प्रसन,

पान पन्नुय चेय कर् अर्पण।।

सर्वज्ञ सर्वतीत ही सर्व शक्तिमान,

पान पन्नुय चेय कर् अपण।

नेथ अनेथ परम पो ही परमात्मण,

पान पन्नुय चेय कर अर्पण।।