सपुद हुशियार रुह मुमताज़, बुलन्द परवाज़ गोवेन्दो ।।

वनन छुय सालिकस हाला, उडन गव आलमे-बाला ।

दयाला छ्य दिवन आवाज़, बुलन्द परवाज़ गोवेन्दो ।।

हुतो सादकंगनहयो बोज़, सु असरारई वनहयो ब ज ।

मनहयो छ्य यि फितनयसाज़, बुलन्द परवाज़ गोवेन्दो ।।

बनन छ्य पारि कामिल बोज़, अरश कुरसी योहय दिल बोज़ ।

च शागुल रोज़ दिलस मल पाज़, बुलन्द परवाज़ गोवेन्दो ।।

सदाये सू च्वोपारिय आव, म्यत्ये सनिरोव चहत्ये सनिराव ।

सू चई गनिराव योहय छ्य राज़, बुलन्द परवाज़ गोवेन्दो ।।

सतूक शब्दई कनन यस गव, सु यकदम वातिथई त्वोत प्यव ।

चहत्ये कन थाव वज़न छुय साज़, बुलन्द परवाज़ गोवेन्दो ।।

यि संसार छय सदूरय वत, निर्बल जीव तरत कथ क्यथ ।

छु सत शब्दई अम्युक जहाज़, वूलन्द परवाज़ गोवेन्दो ।।

छि यमी राजह हंसई इम, म्य मान्सरह प्रारान छिम ।

उडन गयि तिम तिमय शाहबाज़, बुलन्द परवाज़ गोवेन्दो ।।

पकुन संतन हन्जे वत्ये, इयिय सतगुरू पनुन तत्ये ।

सत्ये लूकुक मुज़रि दरवाज़, बुलन्द परवाज़ गोवेन्दो ।

शक्ति पातह दातह येमिस च वन गोवेन्दह म वन वोमिस ।

येमिस टोठि दय करा तस नाज़, बुलन्द परवाज़ गोवेन्दो ।