निशि छुम पानसई कसू नाद लायय,

दुय आस छाये स्वय चज्यमो ।।

दीशि कालह रोस्त छु निहन्दुय निवासई,

प्रज़नाव सू त्राव दिह अद्यासई ।

नावह रूपह गोत्रह  रोस्त डियूंठनाये ।।

स्यज़ पज़ थज़ कथन मंज़ कथ यि छय,

पान सान जान्यज़ि सोय दय ।

मन गव यपार्य तपाय हर हराये ।।

वॉगह-मनसहगोचर अवाँगह मनसहगोचर,

द्वशवय अर्थव निशि छख च पर।

समाधी मंज़ वेथानय आये ।।

हनि हनि छोड सुय मज़ मनि वनि आव,

निविकार निर्विकल्प सतचित आनन्द स्वभाव ।

तिहन्दूय तसबजे वोलनस माये ॥

अज़रह अमरह पान म मशिरावये,

जिन्दह मरि सहजभाव प्रावये।

दय त्राव सुय चई वञ बर म वाये॥

आखर मरून्य ताखैर मो कर,

रिन्दह पाठ्य ज़िन्दह पान पननुय स्वर ।

काल्य काल नियीय टाछि कायाये ।।

वहदतुक मस च्यथ गोसो मसई,

त्वोगमो रसई वनह कसई।

ज्योन मरुन भ्रमई गालिथ वासनाये ।

शरमन्दह ग्यवान वीद तय पुराण,

कारण छिय धारण चोनुय ध्यान ।

नमो नमाये गोवेन्दाय ।