भ्रम मिटयोव होशस प्योस, गोवेन्द गोवेन्दई ओस ।।

वीद इनय ओस ताफ प्यनय ओस

जीव ईश्वर त्येलि ज़्यनय ओस ।

जीव ईश्वर भ्रमह किन भोस,

गोवेन्द गोवेन्दई ओस ।।

अरशस त कुर्सी कन ओस दिनय,

बूजिव सत इय ब वनय ।

तमि ब्रोंठ्य मे कर्यमस बोस,

गोवेन्द गोवेन्दई ओस ।।

वनह कस रिन्दो कुञरुक सीर,

ईरन अति छिय बडि बलवोर ।

गोडहनिय बुति हो हैरतस गोस,

गोवेन्द गोवेन्दई ओस ।।

वहदतस मंज़ साकई,

पैमानह मय पानय छु दय ।

आनन्दह मस मे बर्य बर्य चोस,

गोवेन्द गोवेन्दई ओस ।।

शिा ति अति नो रोज़ानो,

शिवह पतकुन रोज़ान बो।

गोडहनी अति हो बु काँप्योस,

गोवेन्द गोवेन्दई ओस ॥

पानय माज़ पानय श्राख,

पानय पुज्य तय पानय ग्राख ।

ज्योन मरुन भ्रमय ओस,

गोवेन्द गोवेन्दई ओस ।।

ज्ञजानह गंगायि मंज श्रॉन कोर,

प्राण स्यन्द कोर त सूहम स्वोर ।

व्यचारह खोरि मोह मस कोस,

गोवेन्द गोवेन्दई ओंस ॥

कुल कुनुय त लंग ब्योन ब्योन,

रिन्दो पानस दियिव वोन ।

अण्द्रह न्यबरह कुनुय बोस,

गोवेन्द गोवेन्दई ओस ।।

चे मंज़ नो दीशि कालई,

त्राविथ दुय पानस छु सुय ।

वोनुथ होल ओय येलि तोस,

गोवेन्द गोवेन्ई ओंस ॥