सोजह स्यीत रोज़ बेदार सुन्दरो,

रिन्दन हुन्द छु तिय कार सुन्दरो ।

चई ऋषि पुत्रई मुचराव नेत्रई,

मित्रई जान ओमकार सुन्दरो ॥

होशस मंज़ इथ होशी म्वनिथ,

सपदिथ शब्दह सवार सुन्दरो ॥

हफ मरि ज़फ मरि अजपा ज़फ मरि,

दफ मरि सोरुय संसार सुन्दरो।

अनहत ति मरियो सरह युस करियो

तर्ययो तिम ति हुशयार सुन्दरो॥

स्वरूप आश्चर चोनुय छुय अमर,

चति कर साक्षात्कार सुन्दरो।

सुरतस शब्दस मेलई बनि यस,

ननि तस तस असरार सुन्दरो॥

वातिज़ि अन्नाम गुरूनई दि प्रणाम,

सतधाम गुरू सुन्द द्वार सुन्दरो।

गोवेन्दह कर सरह चलहनय अरहसरह,

सतगुरू शब्दई सार सुन्दरो॥