छुख ना हदह शोख दरियाव दामह चोख,

आलव तोरय गोख वल्ला हू ।।

सतगुरू भाव्यस सोरुय हाव्यस,

चारिथ थाव्यस छल्ला हू।

पानय रुम रुम तस बोलि ओम ओम,

वननस वार छुम न वल्ला हू ।।

नाभि मंजह युस न्येरि नबनई सुय फेरि,

शेरि मज़ शेरि प्राण कला हूँ।

पानस सू चावि प्रथ सातह हम त्रावि,

फोलरावि अष्टह-कमला हू॥

तालस दिथ ज्यव बोज़ि सुय प्रणव,

अछिवई वृछि र व ज्वला हूँ ।

वननुय क्या छु तस युस खसि गगनस,

फोलि तस सहसरह दला हूं।"

दहिमे द्वारय सुय तरि तारय,

वारय वुछि कीवला हू।

सोजा बनान छुस अमा बोजि कुस,

आसि युस साह्यबि दिला हू ।।

पानय कुलय सोरुय फोलय,

सपद्योव मूलह सलाह हू ।

गोवेन्दह छोपह कर यस मुचरन बर,

सुय वुछि आश्चर इला हू ।