चानि रोयुक चानि खोयुक चानि मोयुक छुम कसम ।।

सिरियि मन्दछन जनि गव गश, चोन यि हुसनई छिथ।

चई म्योन जुव चेय ना कांह ह्य व चानि रोयुक छुम कसम ॥

गुल छि मन्दछान दर गुलिस्तान, सुम्बलिस्तान स्यीत ह्यथ ।

बुदह अम्बर अतरि नाफय, चानि बोयुक छुम कसम ।।

बुछ अकिय मोये अवेज़ान, कुल ज़मीनो आस्मान ।

दीव कारण दीव सारिय, चानि खोयुक छुम कसम ।।

गोवेन्दन चई दरदहमन्द, ब्यनि बोय तय बन्द ।

मोल माज्य सोरुय कने, चानि खोयुक छुम कसम ।।