च्यह छ्य सतगुरू सुन्दुयप्रसाद, वज़न छुय नाद सू हम सू ।।

हरिय जन्मन हंदिय अपराध, सिबन गुरू पाद सू हम सू ।

चजिय प्रसाद लजिय समाध, वज़न छूय नाद सू हम सू ।।

तरिय सूय हरिय तस व्याद, करिय युस याद सू हम सू ।

मरिय ज़िन्दय बनिय आज़ाद वज़न छुय नाद सू हम सू ।।

बनन शागिरदई उस्ताद च्यह दिथ इरशाद सू हम सू ।

पुशर पानई म कर वाद वाद, वज़न छुय नाद सू हम सू ।।

ज़िरात बनि चोनुय आबाद, च त्रावुस खाद सू हम सु ।

गुरू सतसंगह लागुस काद, बज़न छुय नाद सू हम सू ।।

तिमय गयि संत तिमय गयि साध, वुछन आगाद सू हम सू।

गोवेन्दुन जान छुय सम्वाद, वज़न छुय नाद सू हम सू ।।