हाय वन् कस व्यसिये कोता काल गोम

स्यठा यचकाल गोम डोलुम होश

प्रारान प्रारान वति प्यठ माल प्योम

स्यठा यचकाल गोम डोलुम होश ॥

आयस कति तय गछुन म्य कोतू

नाव कम्यसुन्द लोगुय म्य

यिहन्ज़ ब आसस तिम ना कुने

नाहकय मनि मंज लजिम ग्राय ॥

कुस छुय बब तय कोसय छय मोजी

कुस छुय बोय तय बन्द

न काँह चोन तय न च कॉसि हुन्दुय

नाहकय लोगुय दोख मनकुय ।।

हतो पानो हयतो पोत पोतय

पख लोत लोतुय कदम् त्राव

वन क्या करुन छुय ज़ाच्य तय नावस

हाव बाव सोरुय पथर त्राव।।

हतो पानो कति छुख आमुत

कस छुख ज़ामुत क्या छुय नाव

कमिताम हित् गोमुत ज़ालस मन्ज़

ज़ाल कड़ पान् तय नम्बर नेर ।।

वन् हा कस वन् क्या सना अतुर गोम

कतुर गोम नाल्य तय कउडय्म कुस

या डाल अथ् म्य पानय नाराण

नत् छस प्रारान दोह तय रात ॥

रात तय द्वोह छय कमला स्वरान

दम् दम् परान सूहम सू

हरे नाथ च्य कुन कन छस थावान

मन छुम पउरान सूहम सू ।।

साभार: कमला रैना (चौगाम)