म्य वुछ पानय सू हनि हने

म्य मज़ मने रउटनम जाय

सू बू कुनुय तय तिति कस वने

म्य मंज़ मने रउटनम जाय ।।

कुनुय आसिथ लछ् बोद सुये

सुये बुये केन्हं नत् क्या

सुये बुये बेयि नो कान्ह

हम प्यो वस्य तय भ्रम चोल मेये ।।

वन् क्या वुछुम म्य हनि हने

म्य ब्रोन्ठ कने सपुद क्या

नय छुम गम तय नय छम खोशी

नय म्य मशीय युथ हाल ज़ाह ॥

फाक् व्रत दउर दउर यति कम रूदी

कम ख्यन बापत मूदय न कान्ह

या गछि करुन ऊपकार कान्से

नत् छुय वांसे नख हयोन बार ।।

वन् कस् बुय तय बोज्यम कुसू

रोज्यम कसू म्योनुय याद

वनान वनान ज्यवय लूसम

तवय कासम दयन व्याद ।।

तवय पानस म्य आव मच़र

हच़र लद गोम पननुय पान

न म्योन कान्ह तय न ब कान्से

वान्से यितुय सरेय गोम ॥

हर हर परान मर् मर् कासतम

चोपार्य बासोयम पननुय गाश

बोज़खय पोज़य छम चान्य आशी

नाश कर पापन सोन छुख च्यय ॥

नाद बो लायय दम् दम च्ये

म्ये प्रारान गये वान्स

कस वन् बुय तय कुस बोज़िम्ये

म्य मन्जं मने रउटनम जाय

साभार: कमला रैना (चौगाम)