कूत काला वोत म्य प्रारान

बालि कोताह काल गोम

चा़लि चा़ले ओश ब हारान

बालि कोताह काल गोम ॥

अशि कनि होरुम

ज़ून लउजमच छम अउछन

डालि अनहाय ब पनुन पान

च़ाल कोताह काल गोम ॥

यच् वोदुम चाख गयम बदनस

वदनस मा वार छुम

ओश वसान छुम दारि दारे

प्रार् कोताह काल गोम ॥

माया ज़ाल क्या छु आव्युल

खोश यिवुन ज़ाव्युल स्यठा

बुछन् सातीय अधि छि यिवान

सारि कोताह काल गोम ॥

पननि कर्मुक बार कोताह

ज़ोरह खोरन प्यठ नखन

तन्ग आयस गोबस्यठाह गोम

वाल् कोताह काल गेम ॥

कर्मकुय ज़ाल ज़यूठ त आव्युल

क्रूठ पय्तरावुन प्योम

वन्य न खबर क्या करुन छुम

टालि कोताह काल गोम ।।

म्युल छु आसान कर्मकुय

अद् छु जीव जन्मस यिवान

युन त गछुन ज्य़ोन त मरुन

च़ाली कोताह काल गोम ।।

यी वोनुय कमलायि पानस

पानसय वोपदीश करान

दीश् दीश् आयि फीरिथ

च्यय निश कोताह काल गोम ॥

साभार: कमला रैना (चौगाम)