ज्यन काल् प्यठ बार गोम गोबुय

रोज़हा लोबुय तुल्यहे कुस

अज़ताम कुस पूश कर्म किस न्यायस

पायस प्यथ छुन् केन्ह ॥

यि कथ वनि सुय यस यि बने

नत् क्या वने लूकन हाल

बोज्यस कुस तय कुसू सने

नाहकय छय्ने वने कस॥

कम रंग कउरिनम बे रंग पानस

यि कमि वानय रंगनय आव

वना पनन्यन किनह गारज़ानस

छुन इनसानस पानस ताम।।

यस यि कर्मस तस ति बने

यति कुस सने कस क्या गव

पननुय करतूत बकार पानस

बयाख मा तुलि सुय शानन प्यठ ॥

पनुन त्राविथ परद्ययन निशे

यति ना छुय पनुन काँह चे

पननु परुद ह्यवुय स्वरिज़े

दम दम स्वरिज़े पनुन ध्यान ॥

साभार: कमला रैना (चौगाम)