लाल ललनाविथ खोनि खोनि

मनि पर हूँ हूँ

लाल् शोल  नाविथ हनि हनि                                                                                                                                                                                                                                                           

मनि पर हू हूँ॥

बादाम चशमव क्या वुछुम

लश् नार् जाज्यथस ओश दोदुम

पशि पशि कासतम हनि हनि

मनि पर हू हू॥

दूर दूर ह्योतथम सूर गोम

लावि मूरे चूर चूर गोम

द्वोद चूर ललवथ खोनि खोनि

मनि पर हू हू ॥

बाल्य बाल्य बाल् बु द्रायस

यचकाल्य फीरिथ आयस

काल् शहमार ज़न हनि हनि

मनि पर हूँ हूँ॥

कर्ता अकर्ता पान सू

रुम रुम बोलान हू त हू

शिवनाव सायबान् कनि

मनि पर हू हू॥

कथ गोख ख्यूबस ख्यूब त्राव

प्रकाश पननुय नोन च हाव

चठ ज़नजीर त्राव ब्रोन्ठ कनि

मनि पर हू हू॥

सतचे मेचि सात्य तुल च मल

ध्यान गंगायि पान छल

निर्मल बन गटि गाश अनि

मनि पर हू हू॥

यछखय छुया मूक्षी वर

गडोर पादन प्रणाम कर

बे डर डर कास हनि हनि

मनि पर हूँ हू॥

होशदार कमला क्या वनान

असरार चोन जिगरस खनान

वनि कस सूर गोस हनि हनि

मनि पर हू हूँ ॥

साभारः कमला रैना (चौगाम)