म्य कोरमुत छुम च्य अरपन पान
Kamla Raina (Chowgam) कमला रैना (चौगाम)
म्य कोरमुत छुम च्य अरपन पान
च थावतम जान पननीय मे
बु लागय पोशि कनि मन प्राण
च थावतम ज़ान पननीय मे ॥
बु आयस पन्य पानय योर
म्य मा ओस काउन्सि हुन्दुय ज़ोर
म्य छुम पथ ब्रोन्ठ कुनुय भगवान
च थावतम ज़ान पननीय म्ये ।।
ब कस वन् सीर च्य़े बावय
म्य प्येमित नील दाग हावय
च त्राव अमृत ब छल मन प्राण
च थावतम ज़ान पननीय म्ये॥
रतस माज़स जन लजिम रेह
साये आउसम ज़न्मुच्य म्य
छय कथ प्यठ करनी मान मान
च थावतम ज़ान पननीय म्ये ॥
न छस काउन्सि हन्ज़ न कान्ह म्य छुम
फकत आशा म्य चाउनी छम
म्य छुम परछयोन गोमुत कुन पान
च थावतम ज़ान पननीय म्ये ॥
अकल आउसमस्यठाह पानस
गछान छुम दम वुछिथ आमस
यिवान छिम ब्रोन्ठ खोचनावान
च थावतम ज़ान पननीय म्ये॥
पज़ी पाउठय छुम म्य कुनुय पान
बु लारय पत् च तोशान
म्य छुम यच लोल म्य खाउरहम हान
च थावतम जान पननीय म्ये॥
गफलच किन्य गयस बरबाद
म्य मा ओस महिमा चोनयाद
गोनव खोत् छुय गोनातीत जान
च थावतम ज़ान पननीय म्ये ॥
वोथुन गछि सुलि प्रभातन
छु अभिज्यथ साथ अमिसातन
थवुन गछि तन् मन् शिव ध्यान
च थावतम ज़ान पननीय म्ये॥
बंजर छुय शिव पूजाये
करी अनुग्रह सु हर जाये
रटस दामन आलवस प्राण
च थावतम ज़ान पननीय म्ये॥
बु वन्य पज्य पाउठय गयस बदनाम
च थावतम सायि ही गणशयाम
च्य अवतार च्यय भगवान
च थावतम ज़ान पननीय म्ये॥
करय आराधना बुय च्ये
च थावतम गोश नादन म्ये
गमित दीश न्यबर प्यव मान
च थावतम ज़ान पननीय म्ये॥
छय कमला यच करान ज़ाउरी
च तारतम तार् हय्थ साउरी
च नय यिख योर मटि छुय पान
च थावतम ज़ान पननीय म्ये ॥
साभारः कमला रैना (चौगाम)