ज्योन मरुन मश्यराविथ कोरम्य घर् घर्

हर हर त्राहे माम

युन गछुन मश्यराविथ कोर में घर् घर्

हर हर त्राहे माम ॥

पजिहे न नेरुन म्य पनने घरि

संकलपन विकलपन हुंधय असर्

संकलपव तुल वाव

हर हर त्राहे माम॥

अन्दरी चायस अन्दरी अंदर

घर म्योन कथ छुय नाव

वाव चललि तेलि येलि यियिकृष्ण गंदरह

हर हर त्राहे माम ॥

लोकचार सुरुम यावुन गोम बर्

तावनुनय छु बाज़ार

यिय वुछ वुछ गयस अन्दरी व्यसमर

हर हर त्राहे माम ॥

गछ शरन ईश्वरस सुय छुय सातग्वर्

सुय दियि भव्सर् तार

युन ओस कृष्णस आव कमसासर्

हर हर त्राहे माम ॥

कृष्ण ओस बोलान अन्दर न्यबर

राक्षसऔव वोलहस नाल

बोड बार् योद लोग नोन द्राव गद्याधर्

हर हर त्राहे माम ॥

पोज़ ओस येलि यियि सुय शाम सोन्दर

शीव शीव् बोलान पान् शिव शंकर

गट् रोज़यस्र न हवाव

हर हर त्राहे माम ॥

आबशार बोलान छिय शिव शंकर

हर हर चे कर पूज़

पूजा बूज़िथ वस्य पेयि पर्छ पर्छ

हर हर त्राहे माम ॥

लोल पोश लागस पूजा कस कर्

बस छुय सूहम सू

ओम शिव शंभु अगम अपरह

हर हर त्राहे माम ॥

छोप दम करम्य शिनि हकि बाज़र्

वज़ान छुम हू हू

शिनि छटि अनि गटि मन्ज़ बो क्या कर

हर हर त्राहे माम ।।

तति बो अउनिनस तावनुन छु बाज़र

बाज़रस गाट् प्यव स्यीत छुमन् अखज़र

यति लोगुन बाअज्यगार

हर हर त्राहे माम ॥

सर् गव कमलायि सोरुय भवसर

हर हर अनुग्रह कर

पर शिव शंभू सुय सोन सतग्वर्

हर हर त्राहे माम ॥

साभारः कमला रैना (चौगाम)