सू कर यियि सोन वउन्य सालय

तमिस क्या ओस मलालय म्योन

वनान साउरी छि पति पालय

तमिस क्या ओस मलालय म्योन ॥

दिवान छस वोन चोपार्य पानस

गछान छुम अपमान पानस

खबर मा छम कमिस क्या बोस

तमिस क्या ओस मलालय म्योन ।।

सु रुदुम छाय कति चूरे

ब छानडन नज़दीक दूरे

छु कव् बापत दिवान डालय

तमिस क्या ओस मलालय म्योन ॥

ब आउसस चे शरन आमउच

ब छस सरि राह पत्थर पेमउच

स्यठा काल गव कमिस क्या ओस

तमिस क्या ओस मलालय म्योन ।।

म्य गोमुत पार् बोज्यम कुस

ब वनहा वार बोज्यम कुस

छु मा प्रारन यियि सालय

तमिस क्या ओस मलालय म्योन ॥

ब करहा तस पादन मोनि

म्य दनि दनि याद प्योम वख्तस

करस आरती दिमस बो बोस

तमिस क्या ओस मलालय म्योन ॥

ब कम पोश लाग् तस पूज़े

सु कमि आरती न्यन्द्रि वुज्यहे

तमिस मा ओस मलालय म्योन

तमिस क्या ओस मलालय म्योन ॥

ब लागय शेरि कोसम पोश

म्य दुतमुत् जोश वाउरागन

ब द्वोद हर की बरस प्यालय

तमिस क्या ओस मलालय म्योन॥

बचाने नाव छस शोलान

गोमुत मशिथ म्य पननुय पान

वनान कमला पनुन हालय

तमिस क्या ओस मलालय म्योन ॥

साभारः कमला रैना (चौगाम)