गुल वुछिथ बुलबुल छि तोशन
Kamla Raina (Chowgam) कमला रैना (चौगाम)
गुल वुछिथ बुलबुल छि तोशन
माल् पोशन करसय
नेरना फेरन गोशन
माल् पोशन करसय ॥
वन्य म्य दितमय सन्य त वोगन्य
नन्य पाठय बूज़ुम न केंह
युस म्य स्थीतीय तस ब रोशन
माल् पोशन करसय ॥
हावहा तस सीन् मुचरिथ
पान पुशरिथ नेरिह क्या
तम्बलाविथ छस न पोशन
माल् पोशन करसय ॥
दक् हन्दरउक्य हन्दरावनस
तावह तोन्दरन् ज़ाज्यनस
लाज्यनस कोहन त् बालन
माल पोशन करसय ॥
चाख दिथ नेरय ब् ज़ामन
मनि कामन छम म्य चान्य
नाल् रटहन सुबहन त शामन
माल् पोशन करसय ॥
रात्य रातस छस ब हुशयार
पोशनूल ज़न बेकरार
बूल्य तम्यसन्ज़ बूज़ प्रभातन
माल् पोशन करसय ॥
हावि दर्शन रोजि रोशन
सुय दिलस मन्ज छुम तमाह
कर सना यियि पान् तोशन
माल पोशन करसय ॥
छय कमला वन्य दिवान च्य
सन्य वोगन्य यियि कपारय
दिय म्य दर्शन छुम सु रोशन
माल् पोशन करसय ॥
साभारः कमला रैना (चौगाम)