वाख - 1

1.                ख्योन गव सुय, युस दयस सज़

                   यमिसअति दय नाव हृदयस प्रजे

                   न्यबिरिमि बोछि येमि लगि अधअ गंड

                  अनधरिम बाव येमि जन नेरि खंड

2.               संसकार क्रियायि हंज़ कर्मस जाय

                  पंअछ क्रिया दयु संज तथ मंज वोपाय

                  लय मंज़ रूज़िथ मल  गछि दूर

                   वोथबव गछि तेलि बडि सुय नूर

3.               गोबबोर कथ क्युत अथ क्या मोलु

                  गोबरिथ सअरी दबन अथ तल

                  गोच क्योम ति त्रावन रेशम लाल

                  बनन छु तस सुय महाकाल।

4.             कथि कथि ज़ुवो कुननो वातख

                कोठि कोठि वातख पनुनुय गाम

                सकली नीरिथ च्यैथ थवख दातस

                 अदअ क्याज़ि बासी मंदनने श्याम

5.            क्रिया यिछ़ त्युथ गछ़ि ख्योन

              सात्विक तामस्कि रजसविक ब्योन

               वखतअ हिसाबअ ज़रूरत सान

                जुव रोज़ि डंजि गछ़ि र्निमान

6.           शुन्यस ज़रबि शुनिय नेरान

             शून्यस मंज़ दपन सोरूय बन्द

              सेज़ि वति येलि यि शुनि फेरन

            अदअ गछ़न पूरअ सअनी ग्रन्द

7.         फलवा इंद्रियन लाकम चअरिथ

            पज़रा छावनुक कर तिमन हअल

            मनके गुर्ची छठ-छठ मअरिथ

           ज्ञयांची रेहं कुन लगि अदअ मअल

8.            मअ कर बअशि रूसकचिहंज़ पानस

                पननी नाबि मंज़तस मुश्क अतफर  

               छ़ाडन क्याज़ि छुख तमिसन्दि पअठ जहानस

                लबहअन अन्दरय मुचराव दारि भर

लेखक : राजन्दर जद (राज जद)