17. गोरतत्व व्यछ़नाविथ खुलन तअरि
स्वि आतम भाव ज़अंनिथ पायस प्यथ
अथ ज्ञानस युस लोल भरि लागि यअरि
न तस दोखु न माय् रोज़ि भ्रम अमृत च्यथ I
18. सनच्यथ प्रारबद क्रेयमान र्कमन
तमि ज्ञान अग्नअ सूर सपदिथ
त्यअगी बनिथ युस सु नाव दरन
तेली दय यूग, भ्रम सरूप बनिथ।
19. ज़न्म मरन दअदि तु बुजरूक दोखु
ज़ीवस बूगन छु संसारस यिथ
छिनअ मोसूस तस बासान सोखु
युस भूगि अथ त्यअगी रूज़िथ।
20. न छुस आध न अन्त न सिथर संसार
वासना ममता अहन्त माया ज़ाल अथ मंज़
दय नाव सोरिथ भवसर अदअ तार
येति वेरागि बनिथ मुख्ती हुन्द संज़।
21. नव द्वार पानस अथ क्याह करख
अमिचूर फरिथ डुबडास करन
रूज़िथ खअलि अन्दरअ सु नाव दरख
तेल़ि क्याह रावि कथ तिम फरन।
22. न निंद्यायि दुखी न तरीफव खोश
मनुश्यन र्फख ज़ानि न कैह
भत्कि (भखति) बनिथ स्यद भाव थवि संतोष
दयस आसन तमिसुन्दुय शह।
23. आयि कति तअ गछुन असि कोत
राज़स वअकफ गछि लबि वथ
तस क्याह करि येत्युक हयोत दयोत
थवि युस तसप्यठ अख कुन्नीसथ।
24. युस तीज़ सिरियस च़न्दरम अगनस
सुय नेत्रन मन आवाज़ि मंज़ ज़ान
प्रकाशमान लबि पननिस दयस
तमी दयगति छु प्रज़लान पान।
25. पानय पानस ज़्यवन पानस
नेरंन पानस यिय पानस
यिति गछ़ च़टन तस जहानस
युस पअरि लगन शिव दामस।
लेखक : राजन्दर जद (राज जद)